Alkatearen mezua

Abadiñarrok,

Txoko honetatik gonbit egiten deutsuet parte hartu dagizuen Udalaren web orri honetan. Abadiñori eta Udalari buruzko Informazino erabilgarria, interesgarria eta praktikoa aurkituko dozue bertan

Udalaren eta herritarren arteko komunikazino tresna honen bidez aukera izango dozue zuzenean harremantzeko zuen udal ordezkariekin, informazino gaurkotua eskuratzeko herriko ekitaldi, zerbitzu eta mota guztietako gorabeherei buruz, eta zuen eskari, kritika eta iradokizunak guri helarazteko.

Udalak erakunde bizia izan behar dau, belarriak erne dituena herritarren ahotsa entzuteko, eta horregaitik eskatzen deutsuet animatu zaitezela web orri honetan dituzuen tresnak erabiltzera, informazinoaren teknologia barriek emoten deuskuzezan aukerak baliatuz egin ahal izan daigun alkarren artean danok nahi dogun herri eta Udal garden, hurbil eta eraginkorra.

Besarkada bat danoi eta laster arte!

ALKATEAK
MIKEL GARAIZABAL ITURRIAGAETXEBARRIA

  • Udalbatza
  • Gardentasuna